लोकहित न्युज

संपादक: मोईन सय्यद / प्रतिनिधी: अवधुत सावंत

मुंबईहून ट्रेन ने पळून जाणाऱ्या चोरट्यास नासिकरोड पोलीसांनी अटक केली आहे. याबाबत अधिक माहिती अशी की पायधूनी पोलीस स्टेशन मुंबई भादंवी कलम ४०८ अनुसार गुन्ह्यातील आरोपी संदीप अशोक कुमार शुक्ला (वय ३२) रा. गोंडा, उत्तर प्रदेश हा २८ लाख रुपये रोख घेऊन पळाला असुन तो ट्रेनने जात असल्याची माहिती पायधूनी पोलीस स्टेशन कडून नासिक रोडचे वरीष्ठ पोलीस निरीक्षक अनिल शिंदे यांना मिळाली. अनिल शिंदे यांनी त्वरित गुन्हे शोध पथकातील सहाय्यक पोलिस निरीक्षक योगेश पाटील यांना सूचना दिल्या. अंमलदार शिंदे, अविनाश देवरे, विष्णू गोसावी, राकेश बोडके, केतन कोकाटे यांनी त्वरित पनवेल गोरखपूर एक्स्प्रेस मध्ये जीआरपी इगतपुरी चे पोलीस अंमलदार योगेश पाटील यांच्याशी संपर्क करुन आरोपीची माहिती दिली आणि नाशिकरोड रेल्वे स्थानकात गाडी पोहोचताच आरोपीचा शोध घेण्यास सुरूवात केली.

पोलीसांना बघून नागरिक घाबरून हैराण झाले, काय झाले ते लोकांनां समजेना, पोलीसांना बघून आरोपी पळत सुटला तेवढ्यात पोलीसांनी त्याला शिताफीने पकडुन त्यास ताब्यात घेतले. आरोपी संदीप शुक्ला याच्या कडे चोरी केलेले संपूर्ण २८ लाख रुपये पोलीसांना मिळाले आहेत. पायधूनी पोलीस ठाण्यात याबाबत नासिक रोड पोलीसांनी कळवले असुन पायधूनी पोलीस ठाण्यातील पथक आल्यावर आरोपीला त्यांच्या स्वाधीन करण्यात येणार आहे. वरिष्ठ पोलीस निरक्षक यांनी केलेल्या त्वरित हालचालींमुळे आरोपीला पकडण्यास यश आले असे प्रसिद्धी माध्यमांना आले आहे.

संपादक: मोईन सय्यद / प्रतिनिधी: अवधुत सावंत

शिवसेना पक्षप्रमुख उद्धव ठाकरे पक्षाचे नेते चंद्रकांत खैरे यांनी काँग्रेसचे २२ आमदार देवेंद्र फडणवीस यांच्या संपर्कात असल्याचा दावा करून खळबळ उडवली. तर, महाविकास आघाडीचे आणखी १२ ते १३ जण शिंदे-फडणवीस यांच्या संपर्कात आहेत. महाविकास आघाडीच्या अनेक आमदारांनी आमच्याशी संपर्क साधला, असा बॉम्ब उद्योगमंत्री उदय सामंत यांनी फोडला आहे. त्यामुळे राजकीय वर्तुळात चर्चांना उधाण आलं आहे. ‘बाळासाहेबांची शिवसेना’ नेते उदय सामंत यांनी पत्रकार परिषद घेऊन मध्यावधी निवडणुकांची शक्यता फेटाळून लावली. यावेळी त्यांनी हा धक्कादायक दावाही केला.

मध्यावधी निवडणुकांची शक्यता नाही, याउलट महाविकास आघाडीचे आणखी १२ ते १३ जण शिंदे-फडणवीस यांच्या संपर्कात आहेत. भाजप आणि शिंदे यांच्याकडे १७० चा आकडा असल्याचा दावा उदय सामंत यांनी केला. महाविकास आघाडीत काय समाविष्ट होणार, हे आज उघडकीस आले आहे. सध्या लोकांचे लक्ष दुसरीकडे वळविण्याचे प्रयत्न सुरू आहेत. राष्ट्रवादी सोडून शिवसेनेत गेल्यावर मी खोके घेतले होते का ? असा थेट प्रतिप्रश्न उद्योगमंत्री उदय सामंत यांनी यावेळी केला आहे.

संपादक: मोईन सय्यद / प्रतिनिधी: अवधुत सावंत

उद्धव ठाकरे यांनी ज्या प्रकारे माझ्या आणि भाजपच्या पाठीत खंजीर खुपसला. तेव्हापासून आम्ही फक्त संधी शोधत होतो. तेव्हापासून उद्धव ठाकरे यांच्या फसवणुकीचा बदला घेण्यासाठी आम्ही तयार होतो, असा धक्कादायक खुलासा उपमुख्यमंत्री देवेंद्र फडणवीस यांनी केला आहे.

एकनाथ शिंदे शिवसेना सोडू इच्छित असल्याचे आम्हाला समजले. त्यांनी आमच्याशी संपर्क साधला, आम्ही त्यांना पाठिंबा दिला. आमच्यासोबत झालेली बेईमानी, उद्धव ठाकरेंनी ज्या प्रकारे माझ्या आणि भाजपच्या पाठीत खंजीर खुपसला. तेव्हापासून आम्ही संधी शोधतच होतो. आम्ही संत नाही, नेते आहोत. जर ते आमच्याशी अप्रामाणिक असतीलल तर आम्ही त्याला उत्तर देऊच. माझ्यासोबत झालेल्या बेईमानीचा बदला मी घेतला, असा खुलासा यावेळी देवेंद्र फडणवीस यांनी केला.

आम्ही एकनाथ शिंदे यांना सांगितले की तुम्ही बाहेर पडणे चांगले आहे, आम्हालाही आमचा बदला हवा आहे. त्यानंतर अनेक घडामोडींनंतर राज्यात शिंदे-फडणवीस सरकार स्थापन झाले. सरकार स्थापनेचे संपूर्ण श्रेय उद्धव आणि आदित्यजींना द्यावे लागेल, असे म्हणत शिंदे यांच्याशी केलेल्या वागणुकीमुळे त्यांनी पायउतार होण्याचा निर्णय घेतला, असा टोमणाही त्यांनी मारला.

महाराष्ट्रात राजकीय उलथापालथ झाली. त्यानंतर भाजपने सरकार स्थापन करून एकनाथ शिंदे यांना मुख्यमंत्रिपद आणि देवेंद्र फडणवीस यांना उपमुख्यमंत्रिपद देण्यावर सवाल केला की, “मुख्यमंत्रीपदावर आल्यानंतर तुम्ही सरकारमध्ये दुसरे कोणतेही पद घेतल्यास तुम्ही सत्तेचे भुकेले आहात, अशी तुमची प्रतिमा बनते. पण आपण खुर्चीसाठी नाही तर परिवर्तनासाठी सत्ता बदलली आहे. गेल्या दोन ते अडीच वर्षांत महाराष्ट्रात घडलेल्या घटना पाहता हा बदल करण्यात आला आहे. म्हणूनच मी सत्ता सोडण्याचा निर्णय घेतला होता, पण माझ्या पक्षाच्या नेत्यांनी मला समजावून सांगितले की त्यांना महाराष्ट्रात सरकार चालवायचे आहे आणि त्यासाठी माझी गरज आहे, म्हणून मी हो म्हणालो.” अशी कबुली देवेंद्र फडणवीस यांनी दिली.