लोकहित न्युज

संपादक: मोईन सय्यद / प्रतिनिधी: अवधुत सावंत

बौद्ध समाज डोंबिवली तर्फे आज डोंबिवली पूर्व येथे गांधीनगरातील धर्मवीर आनंद दिघे सभागृहात आज ‘कठीण चिवरदान सोहळा, वर्षावास सांगता समारंभ व भव्य धम्म रॅली २०२२’ चे आयोजन करण्यात आले होते. डोंबिवली शहरात गेल्या तीन महिन्यांपासून वेगवेगळ्या विभागात संपन्न झालेल्या वर्षवासाचा सांगता समारंभ सामुदायिकपणे करण्याचे योजिले होते.

समाजामध्ये डॉ.बाबासाहेबांची जयंती छोट्या मंडळ, विभाग आणि गटांमध्ये साजरी होते. त्यामुळे डॉ.आंबेडकरांनी दिलेली बौद्ध धम्माची संस्कृती आपल्या समाजात रुजली गेली पाहिजे. आज जो समाज गटातटात विखुरला गेलेला आहे तो अपेक्षित नाही. समाजाला एकत्र करायचे असेल तर बौद्ध धम्म शिवाय दुसरे कुठलेही माध्यम नाही असे प्रतिपादन भन्ते राहुल बोधी यांनी डोंबिवली येथील वर्षावास सांगता सोहळा कार्यक्रमाच्या वेळी केले.

वर्षावास सांगता समारंभाचे बौद्ध समाजाच्या वतीने आयोजन करण्यात आलेल्या सोहळ्यानिमित्त कठीण चिवर दान सोहळा व धम्म रॅली २०२२ चा सोहळा पार पडला. सुमारे पन्नासहून अधिक भन्ते सहभागी झाले होते. याच कार्यक्रमात पुढे बोलताना भन्ते राहुल बोधी यांनी सांगितले की, वर्षावास हा बौद्ध धर्मात सुमारे २५०० वर्षापासून चालत आलेले प्रतिक आहे. जे भारतात नव्हे तर जगात सुद्धा प्रसिद्ध आहे. वर्षावास ही संस्कृती आपल्या समाजात रुजली पाहिजे, आत्ताच्या तरुण पिढीवर बुद्ध धम्म्माच्या विचाराचा प्रभाव पडल्यास भावी पिढी सुसंस्कृत होईल. बौद्ध समाजाचा आर्थिक, सामाजिक विकास होऊन बौद्ध समाज आदर्श पिढी म्हणून जगासमोर यावा या विचाराचे मंथन म्हणजे ‘वर्षावासाचे नियोजन’ असल्याचे महाथेरो राहुल बोधी यांनी सांगितले.

तर भन्ते आनंद महाथेरो यांनी आपल्या देशात बुध्दांनी दिलेला शांततेचा संदेश आणखी खोलवर रुजवला गेला तर शांती नांदण्यास मदत होईल असे प्रतिपादन त्यांनी केले. वर्षावास काळात भगवान गौतम बुद्धांनी सांगितल्याप्रमाणे ज्ञान संपादन करायचं असते. भगवान बुद्धाच्या धम्माच्या झेंड्या खाली सर्व समाज एकवटला पाहिजे. भगवान बुद्धाच्या धम्माचा सर्व जगात प्रसार होत आहे. हा बुद्धांचा देश आहे म्हणून ह्या देशात बुद्ध हवा युद्ध नको असे सांगत सर्व बौद्ध समाजाने एक व्हावे असा संदेश येथील उपस्थित उपासकांना त्यांनी दिला.

या वर्षावास सांगता समारंभ व भव्य धम्म रॅली २०२२ चे मुख्य संयोजक भन्ते राहुल बोधी थेरो, प्रमुख मार्गदर्शक भन्ते डॉ. एन.आनंद महाथेरो, रॅलीचे स्वागत, सांगता समारंभाचे नियोजन अध्यक्ष डी. डी. जाधव आणि कार्यकारिणी, महिला मंडळ सम्यक धम्म सामाजिक संस्था, गांधीनगर, डोंबिवली यांनी आयोजन केले.

तर भोजनदान व विशेष मदत अंकुश गायकवाड, किरतकर कुटुंबीय, विश्वविकास गायकवाड, बिरजू जाधव, धम्मविवेक जाधव, वर्षावास सहभागी संस्था सम्यक धम्म सामाजिक संस्था गांधीनगर, डॉ. बाबासाहेब आंबेडकर सांस्कृतिक केंद्र एम.आय.डी.सी., यशोधरा महिला मंडळ गणेश नगर, बौद्ध सेवा संघ डोंबिवली, सम्राट अशोक बुद्ध विहार संजय नगर, धम्मदीप बुद्ध विहार लोढा हेरीटेज, लुंबिनी बुद्ध विहार कोपर, भीमगर्जना महिला मंडळ त्रिमूर्तीनगर, देसलेपाडा – भोपर बौद्ध समाज, सिद्धार्थनगर रहिवासी, सहभागी राजकीय सामाजिक संस्थेचे प्रल्हाद जाधव (अध्यक्ष रिपब्लिकन पक्ष कल्याण जिल्हा), अंकुश गायकवाड (अध्यक्ष डोंबिवली शहर रिपब्लिकन पक्ष), माणिक उघडे (अध्यक्ष झोपडपट्टी महासंघ), लक्ष्मण अंभोरे (अध्यक्ष स्वाभिमानी रिपब्लिकन पक्ष), आनंद नवसागरे (रिपब्लिकन सेना), सुरेंद्र ठोके (अध्यक्ष वंचित बहुजन आघाडी डोंबिवली – पूर्व), डॉ. बाबासाहेब आंबेडकर स्मारक संवर्धन संस्था, भारतीय बौद्ध महासभा, भारती फौंडेशन यांच्या उपस्थितीत विशेष सहकार्य अंबादास खंडागळे, रविकिरण मस्के, अशोक कापडणे, प्रा.धनंजय पगारे, महेंद्र जाधव, सुहास रोकडे, कल्पना चौधरी, रवींद्र गुरचळ, निलेश कांबळे, विजय इंगोले, बाजीराव माने, रवी इंगोले, अर्जुन केदार, संजय गौतम, गुलाब खंदारे, सचिन साळवी, सूर्यकांत पारधे, आशिष कांबळे, विलास खंडिझोड, श्रीकांत माने, राष्ट्रपाल ढोबळे, मनीष सरकटे यांच्या उपस्थितीत पार पडला.

संपादक: मोईन सय्यद / प्रतिनिधी: अवधुत सावंत

शनिवारी सकाळी खासगी ट्रॅव्हल बस आणि आयशर ट्रकची समोरासमोर धडक झाल्याने भीषण अपघात झाला आहे, अपघटनांतर बसने लगेच पेट घेतला. यामध्ये १८ प्रवाशांचा होरपळून मृत्यू झाला.

कसा झाला अपघात

चिंतामणी ट्रॅव्हल्सची खासगी बस शनिवारी पहाटे साडेचार वाजेच्या सुमारास औरंगाबादहून मुंबईकड़े जात होती. अमृतधाम चौफुलीजवळ टाकळीकडून कोळसा भरून भरधाव वेगात येणाऱ्या आयशर ट्रकने बसला जोरदार धडक दिली. धडक इतकी भीषण होती की बस ने आयशर ट्रकला सुमारे ५०० ते ६०० मीटर फरफटत नेलं. यावेळी आयशर ट्रकचा डिझेल टॅंक फुटल्याने काही क्षणातच बसने पेट घेतला.

बसमधून उड्या घेत प्रवाश्यांनी जीव वाचवला

पहाटेच्या सुमारास अपघात झाल्याने बसमधील बरेच प्रवासी गाढ झोपेत होते. बसला आग लागताच, अनेक प्रवाशांनी बसच्या खिडकीतून रस्त्यावर उड्या घेतल्या, तर काही प्रवासी हे आगीत होरपळून बाहेर पडले. मात्र त्यांना मदत न मिळाल्याने जागीच गतप्राण झाले.

मदत वेळेवर पोहोचली नाही

अपघातस्थळी हजर असलेल्या स्थानिक नागरिकांनी तातडीने १००, नंबर ११२, रुग्णवाहिका १०८, अग्निशमन दल आपत्कालीन व्यवस्था या ठिकाणी संपर्क साधला. परंतू पहाटे ६ वाजेपर्यंत कोणतीही मदत मिळाली नाही. घटनास्थळी पोलीस दाखल झाल्यानंतर जखमींना आणि मृतांनाही शहर बस मधून जिल्हा रुग्णालयात दाखल केले.

पंतप्रधान मोदींकडून शोक व्यक्त

बस दुर्घटनेनंतर पंतप्रधान मोदींनी दुःख व्यक्त केलं आहे. या दुर्घटनेत ज्यांनी आपल्या प्रियजनांना गमावलं आहे, माझ्या संवेदना त्यांच्यासोबत आहेत. जखमी लवकरात लवकर बरे होवोत. स्थानिक प्रशासन दुर्घटना बाधितांना सर्वतोपरी मदत करत आहे. नाशिक दुर्घटनेत मृत्यूमुखी पडलेल्यांना पंतप्रधान सहाय्यता निधीतून प्रत्येकी २ लाखांची मदत दिली जाणार असून जखमींना प्रत्येकी ५० हजारांची मदत जाहीर करण्यात आली आहे.

मुख्यमंत्री नाशिकला रवाना

नाशिक बस अपघातानंतर मुख्यमंत्री एकनाथ शिंदे पाहणी करण्यासाठी नाशिकला रवाना झाले आहेत. मुख्यमंत्री म्हणाले की, मी सर्व अधिकारी, प्रशासकीय वर्गाच्या संपर्कात आहे. जखमींचा जीव वाचवण्याचा प्राधान्य दिलं जाईल. काही जणांना खासगी रुग्णालयात दाखल केलंय त्यांच्यासाठी आपण शर्थीचे प्रयत्न करू असंही मुख्यमंत्री एकनाथ शिंदे म्हणाले.

संपादक: मोईन सय्यद / प्रतिनिधी: अवधुत सावंत

राज्य सरकारने विविध शासकीय विभागाच्या भरतीचा निर्णय घेतला असून या अंतर्गत आधीच एमपीएससी अंतर्गत भरावयाच्या पदांसाठीची महाविकास आघाडी सरकारच्या काळातील निर्णयामधील त्रुटी दूर करण्यात आली. लवकरच राज्य सरकार शिक्षण विभागाच्या देखील भरती करणार असून याअंतर्गत ७५ हजार पदे भरण्याची घोषणा मुख्यमंत्री एकनाथ शिंदे यांनी केली होती. शिक्षण विभागाच्या भरतीमध्ये शिक्षक तसेच शिक्षकेतर कर्मचाऱ्यांची भरती केली जाणार आहे. सध्या राज्यात अतिरिक्त शिक्षक आहेत, त्यामुळे नव्याने भरती करायची झाल्यास या अतिरिक्त शिक्षकांचे भविष्य काय ? असा सवाल देखील उपस्थित होतो. नेमके यावर स्पष्टीकरण देताना राज्याचे शालेय शिक्षण मंत्री दीपक केसरकर यांनी आश्वासन दिले की, शिक्षक भरती प्रक्रिया राबविताना अगोदर अतिरिक्त शिक्षकांचे समायोजन केले जाणार आहे.

अतिरिक्त शिक्षकांचे समायोजन केल्याने या शिक्षकांना न्याय तर मिळेलच शिवाय होणाऱ्या आर्थिक बचतीमुळे हुशार विद्यार्थ्यांना शिष्यवृत्तीमध्ये वाढ करण्यास मदत होईल. याचा एकंदरीत परिणाम बघता विद्यार्थ्यांवर अधिक खर्चास प्राधान्य देण्याचा मानस शिक्षण मंत्र्यांनी व्यक्त केला. डेक्कन एज्युकेशन सोसायटीच्या कार्यक्रमात राज्य शालेय शिक्षणमंत्री दीपक केसरकर यांनी पत्रकारांशी विविध मुद्द्यांवर संवाद साधला. यावेळी २० पेक्षा कमी पटसंख्या असलेल्या शाळांमधील मुलांना जवळच्या शाळांमध्ये समाविष्ट करण्यात येईल, यासाठी क्लस्टर शाळांची निर्मिती होईल तसेच अशा विद्यार्थ्यांकरिता स्कुल बसची सुद्धा व्यवस्था करण्यात येईल, असे केसरकर म्हणाले.

याप्रसंगी बोलताना राज्य शालेय शिक्षण मंत्री म्हणाले की पवित्र पोर्टल बंद केले जाणार नाही. शिक्षण संस्था चालक जरी शाळा चालवत असले तरी सुद्धा शिक्षकांना पगार सरकार देते त्यामुळे आम्ही म्हणू तोच निर्णय योग्य असे धोरण संस्थांचे नसावे. भविष्यात विद्यार्थ्यांच्या हिताचे निर्णय घेत एकत्रित कार्य करण्याची आवश्यकता असल्याचे मत मंत्री महोदयांनी व्यक्त केले.