लोकहित न्युज

प्रतिनिधी: अवधुत सावंत

# ‘ब्रेक द चेन’ अंतर्गत सुधारीत मार्गदर्शक सूचना जारी..

अखेर राज्य सरकारने मॉल्सनाही रात्री १० वाजेपर्यत सुरु ठेवण्यास मान्यता दिली असून १८ वर्षा खालील मुला-मुलींचे अद्याप लसीकरण सुरु झालेले नसल्याने त्यांना मॉलमध्ये प्रवेशासाठी आधारकार्ड, पॅनकार्ड, शाळा अथवा महाविद्यालयाचे ओळखपत्र दाखविणे आवश्यक करण्यात आले आहे. कोरोना निर्बंधासाठी असलेल्या ‘ब्रेक द चेन’ अंतर्गत मार्गदर्शक सूचनांमध्ये आरोग्य विभागाने आज सुधारणा करण्यात आली. यासंदर्भात राज्य सरकारने सुधारीत आदेश आज जारी केले.

राज्यात १८ वर्षाखालील मुला-मुलींचे लसीकरणास अद्याप सुरूवात न झाल्याने १८ वर्षाखालील मुला-मुलींना मॉलमध्ये प्रवेश देतांना वयाचा पुरावा म्हणून आधारकार्ड, पॅनकार्ड किंवा वयाचा उल्लेख असलेले शाळा आणि महाविद्यालयाचे ओळखपत्र दाखविणे आवश्यक असणार आहे, असे आज निर्गमित करण्यात आलेल्या मार्गदर्शक सूचनेमध्ये नमूद करण्यात आले आहे.

राज्यातील सर्व शॉपींग मॉल्स रात्री १० वाजेपर्यंत सुरू ठेवण्याची परवानगी देण्यात आली आहे. त्यामध्ये काम करणारे कर्मचारी आणि प्रवेश करणाऱ्या नागरिकांना कोरोना प्रतिबंधात्मक लसीकरणाच्या दोन्ही मात्रा पूर्ण केल्याचे आणि दुसरी मात्रा घेऊन १४ दिवस पूर्ण झाल्याचे लसीकरण प्रमाणपत्र मॉलच्या प्रवेशद्वारावर दाखविण्याबाबत यापूर्वीच निर्गमित केलेल्या मार्गदर्शक सूचनांमध्ये नमूद केले आहे.

संपादक: मोईन सय्यद / प्रतिनिधी: अवधुत सावंत

महाराष्ट्र राज्यात एकीकडे कोरोना बाधितांच्या संख्येत घसरण होत असताना दिसत आहे. आता दैनंदिन कोरोना बाधितांची संख्या ही ५ ते ६ हजारांच्या आसपास असल्याचं समोर येत आहे. ही आकडेवारी जरी जास्त असली तरी गेल्या काही दिवसांपूर्वीच्या आकडेवारीच्या तुलनेत खूपच कमी आहे. मात्र, असे असले तरी आता चिंता पुन्हा एकदा वाढल्याचे दिसून येत आहे. पुन्हा एकदा कोरोनाच्या ‘डेल्टा प्लस’ व्हेरिएंटने महाराष्ट्राची चिंता वाढवली आहे. ‘डेल्टा प्लस’ व्हेरिएंटच्या तीन वेगवेगळ्या विषाणूंनी तज्ज्ञांची चिंता वाढवली आहे. तज्ज्ञांच्या मते, ‘डेल्टा प्लस’ व्हेरिएंटचे नवं रूप इतकं खतरनाक आहे की याच्या संक्रमण दराच्या संदर्भात अभ्यास करण्याची आवश्यकता आहे.

अलीकडेच व्हायरसच्या जीनोम सिक्वेंसींगमध्ये असे दिसून आले आहे की, महाराष्ट्रात ‘डेल्टा प्लस’ व्हेरिएंटचे एकूण ६६ रुग्ण आढळून आले आहेत. ‘डेल्टा प्लस’ व्हेरिएंट ग्रुपचे तीन वेगवेगळे प्रकार आहेत. Ay.1, Ay.2 आणि Ay.3. आता तज्ज्ञांनी ‘डेल्टा प्लस’ विषाणूच्या आणखी १३ उप-वंशांचा शोध लावला आहे जो Ay.1, Ay.2 आणि Ay.3 पासून सुरू होतो आणि १३ पर्यंत आहे. ‘डेल्टा’ व्हेरिएंटमध्ये म्युटेशन झाल्यावर ‘डेल्टा प्लस’ व्हेरिएंट तयार होतो.

राज्यात आतापर्यंत आढळून आलेल्या ‘डेल्टा प्लस’ रुग्णांची संख्या ६६ वर पोहोचली आहे. यापैकी सर्वाधिक रुग्ण हे जळगाव जिल्ह्यात असून त्यानंतर रत्नागिरी जिल्ह्यात ‘डेल्टा प्लस’ विषाणूचे रुग्ण आहेत. राज्यात आतापर्यंत आढळून आलेल्या ६६ ‘डेल्टा प्लस’ रुग्णांपैकी ३२ पुरुष असून ३४ स्त्रिया आहेत असे आकडे समोर आले आहेत.