लोकहित न्युज

संपादक: मोईन सय्यद/प्रतिनिधी: अवधुत सावंत

अनधिकृत बांधकाम केल्यानंतर उर्वरित शिल्लक राहिलेले रॅबीट नागरीकांना चालण्यासाठी असलेल्या फुटपाथवर
टाकल्या प्रकरणी कल्याण-डोंबिवली “प्रभाग ५ ड” च्या प्रभागक्षेत्र अधिकारी श्री.सुधीर मोकल यांच्या निर्देशानुसार आरोग्य निरिक्षक श्री.शेख यांनी एक हजार रुपयांची दंडात्मक कारवाई केली आहे .

पूना लिंक रोड वरील तिसगांव प्रवेशद्वारा च्या बाजुला असलेल्या ‘उज्वला कम्युनिकेशन’ या दुकान मालकाने अनधिकृतपणे केलेल्या बांधकामानंतर उर्वरित शिल्लक राहिलेले निकामी बांधकाम साहित्य अर्थात रॅबीट दुकानाच्या गाळ्या समोरील फुटपाथवरच टाकण्यात आले होते. या रॅबीट मुळे या ठिकाणच्या फुटपाथवरून ये – जा करण्यास मोठ्या प्रमाणावर अडथळा निर्माण झाला होता. हा प्रकार प्रभाग क्षेत्र अधिकारी श्री.सुधीर मोकल यांच्या लक्षात येताच त्यांनी या भागाचे आरोग्य निरिक्षक श्री . सलीम शेख यांना संबंधीत दुकान मालकावर दंडात्मक कारवाईचे निर्देश दिले होते. त्या नुसार श्री.शेख यांनी संबंधीत दुकान मालकावर एक हजार रुपयांची दंडात्मक कारवाई करुन सदरचे रॅबीट त्वरीत हटविण्याची सुचना केली.

कल्याण पूर्वेतील पदपथांवर अशाच प्रकारे अनेक ठिकाणी अडथळे निर्माण केले जातात, त्यांचेवरही वेळीच दंडात्मक कारवाई केली गेली तर सर्व सामान्य नागरीकांना चालण्यासाठी असलेले फुटपाथ रिकामे होतील असे या परिसरातील नागरिकांत आपापसात बोलले जात आहे.

संपादक: मोईन सय्यद/प्रतिनिधी: अवधुत सावंत

महापालिका क्षेत्रात लोकसंख्येची जास्त घनता चाळ परिसर व झोपडपट्टी परिसरात आहे. या परिसरात राहणारे नागरिक प्रामुख्याने सार्वजनिक शौचालयाचा वापर करतात आणि या सार्वजनिक शौचालयांमार्फत कुठल्याही संसर्गजन्य आजाराचा प्रसार होण्याची शक्यता नाकारता येत नाही याकरीता चाळ/झोपडपट्टी परिसरातील नागरिकांचे शारीरिक स्वास्थ्य/आरोग्य सुरक्षित राहावे आणि त्यांना चांगल्या सुविधा उपलब्ध व्हाव्यात या दृष्टिकोनातून महापालिका आयुक्त डॉ. विजय सूर्यवंशी यांनी सार्वजनिक शौचालयाच्या स्वच्छतेवर भर दिला असून महापालिकेच्या सर्व विभागिय उपायुक्तांना सार्वजनिक शौचालयांच्या स्वच्छतेची नियमित पाहणी करण्याचे निर्देश दिले आहेत.

महापालिकेच्या १० प्रभागात एकुण ४१९ शौचालयात ४२९२ सिटची सार्वजनिक शौचालय नागरिकांसाठी उपलब्ध आहेत. दलितवस्ती सुधारणे अंतर्गत अजून 38 शौचालय (एकुण २४९ सिट) उभारण्याचे काम सुरु असून त्यापैकी २८ शौचालयांची कामे पूर्ण झाली असून उर्वरित १० शौचालयांची कामे प्रगतीपथावर आहेत. सार्वजनिक शौचालयाच्या दैनंदिन साफसफाईसाठी मे.जनसेवा सुविधा संस्था यांची नियुक्ती करण्यात आली असून त्यांच्यामार्फत साफसफाई केली जाते. सदर संस्थेने प्रभागनिहाय शौचालयांची माहिती घेऊन शौचालयांच्या साध्यस्थितीबाबतचा अहवाल महापालिकेकडे सादर केला आहे. त्‍या अनुषंगाने नादुरुस्त शौचालयांच्या दुरुस्ती संदर्भातील निविदा काढण्यात आली असून सदर निविदा कार्यवाहीत आहे. महापालिका परिसरात ‘पे ॲण्ड युज’ ची एकुण २६ शौचालये (एकुण २३५ सिट) असून सदर शौचालयांच्या साफसफाईसाठी नियुक्त केलेल्या संस्थेमार्फत तेथील दैनंदिन साफसफाई करण्यात येते.

विभागीय उपआयुक्तांनी केलेल्या शौचालयांच्या पाहणीच्या वेळेस आढळून आलेल्या अस्वच्छ शौचालयांची साफसफाई प्रभागातील आरोग्य निरीक्षक, मुख्य आरोग्य निरीक्षक यांच्या देखरेखीखाली करुन घेण्यात येत आहे.