लोकहित न्युज

संपादक: मोईन सय्यद / प्रतिनिधी: अवधुत सावंत

विधिमंडळाचे हिवाळी अधिवेशन नागपूर इथे सुरू झाले , वंदे मातरम् ने दोन्ही सभागृहाचे कामकाज सुरू झाले. सभागृहात काही सदस्य पक्षाची चिन्हे लावून आले त्याला आक्षेप घेत अशी प्रथा पाडू नये अशी मागणी विरोधी पक्षनेते अजित पवारांनी सुरुवातीलाच केली. सीमावाद प्रकरणी कर्नाटकच्या बेळगाव जिल्हाधिकारी यांनी मंत्र्यांना बंदी कशी घातली , त्यांना कोणता अधिकार असा सवाल करीत पवार यांनी ही दडपशाही खपवून घेऊ नये, अशी मागणी केली. अध्यक्ष राहुल नार्वेकर यांनी नोंद घेत त्यांना खाली बसण्यास सांगितले त्यावर विरोधक आक्रमक झाले होते.

देशाच्या गृहमंत्र्यांनी आमच्या मागणीवर एक बैठक घेतली हे पहिल्यांदाच घडले, आम्ही ठोस भूमिका घेतली असे मुख्यमंत्री एकनाथ शिंदे यांनी सभागृहाला सांगितले. क्रियेला प्रतिक्रिया होईल याची समज आम्ही कर्नाटकच्या मुख्यमंत्र्यांना दिली , गृहमंत्र्यांनीही त्यांना योग्य समज दिली आहे, माध्यमांसमोर गृहमंत्री अमित शहा यांनी हे स्पष्ट केलं आहे, असे मुख्यमंत्री एकनाथ शिंदे यांनी सभागृहाला सांगितले. या विषयावर राजकारण करू नये, हा राज्याच्या अस्मितेचा प्रश्न आहे असेही ते म्हणाले.

आम्ही जत तालुक्यातील ४८ गावांसाठी दोन हजार कोटींची योजना मंजूर केली आहे. सीमा वादावर आम्ही कारावास भोगला तेव्हा बोलणारे कुठे होते असा सवाल त्यांनी केला, सीमावसियांच्या योजना ठाकरे सरकारने बंद केल्या होत्या, त्या आम्ही पुन्हा सुरू केल्या असे मुख्यमंत्री म्हणाले.

संपादक: मोईन सय्यद / प्रतिनिधी: अवधुत सावंत

कृषी क्षेत्राचा विचार केला तर देशाची अर्थव्यवस्था कृषी क्षेत्रावर अवलंबून आहे. राज्यातील अल्प व अत्यल्प भूधारक शेतकऱ्यांचे प्रमाण ८१ टक्के असून ८३ टक्के क्षेत्र कोरडे असल्याने हवामानातील बदल तसेच बाजारातील शेतमालाच्या विक्री किमतीतील चढ-उतार यांचा शेतकऱ्यांच्या आर्थिक उत्पन्नावर परिणाम होतो.

कृषी सहकार आणि शेतकरी कल्याण विभाग, नवी दिल्ली, भारत सरकार द्वारे कृषी उत्पादनांचे कापणीनंतरचे नुकसान कमी करण्यासाठी आर्थिक सहाय्य आणि पायाभूत सुविधा उपलब्ध करून देण्यासाठी कृषी पायाभूत सुविधा योजना २०२०-२१ ते २०३२-३३ या कालावधीसाठी राबविण्यात येत आहे. शेतकऱ्यांना या योजने अंतर्गत केंद्र सरकारने कृषी पायाभूत सुविधा प्रकल्पांना कर्ज देण्यासाठी १ लाख कोटी रुपयांची तरतूद केली आहे.

या योजनेचा उद्देश काय आहे ?

या योजनेच्या माध्यमातून शेतकरी उत्पादक संस्था, प्राथमिक कृषी पतसंस्था तसेच पणन सहकारी संस्था, बहुउद्देशीय सहकारी संस्था इत्यादींना या योजनेचा लाभ मिळतो. यामध्ये, मार्केटिंगच्या मूलभूत सुविधांचा विकास करणे, ज्या आवश्यक आहेत, शेतकर्‍यांना त्यांच्या शेतीमालाची मोठ्या प्रमाणात थेट विक्री करण्याची परवानगी देते आणि आर्थिक स्तर सुधारण्यास मदत होते.

या योजनेचे स्वरूप काय आहे ?

या वित्तपुरवठा योजनेद्वारे २ कोटी रुपयांच्या मर्यादेपर्यंतच्या कोणत्याही कर्जावर सात वर्षांपर्यंत वार्षिक तीन टक्के व्याज सवलत उपलब्ध आहे. हे कोणत्याही पात्र कर्जदारासाठी सूक्ष्म आणि लघु उद्योजक योजनेच्या क्रेडिट गॅरंटी फंड ट्रस्ट अंतर्गत २ कोटी रुपयांपर्यंतच्या कर्जासाठी वित्तपुरवठा सुविधेतून क्रेडिट गॅरंटी कव्हर प्रदान करेल. त्यासाठी लागणारे शुल्क सरकार भरते.

यासाठी कोणते प्रकल्प पात्र आहेत ?

योजनेद्वारे प्रामुख्याने प्राथमिक प्रक्रिया उद्योगांना लाभ दिला जातो. म्हणजेच पीक काढणीनंतरचे व्यवस्थापन जसे की मार्केटिंग प्लॅटफॉर्म, गोदामे तसेच पॅक हाऊस, मुरघा संग्रह केंद्रे, वर्गीकरण आणि वर्गीकरण घरे, शीतगृहे तसेच पुरवठा सुविधा, प्राथमिक प्रक्रिया केंद्रे, राईपनिंग चेंबर्स आणि सामूहिक शेतीसाठी आवश्यक असलेले इतर फायदेशीर प्रकल्प. या योजनेत समाविष्ट करण्यात आले आहेत.

योजनेसाठी पात्र लाभार्थी

या योजनेद्वारे प्राथमिक कृषी पतसंस्था, पणन सहकारी संस्था, शेतकरी उत्पादक संस्था तसेच बचत गट, शेतकरी, संयुक्त उत्तरदायित्व गट, बहुउद्देशीय सहकारी संस्था, कृषी-उद्योजक, स्टार्टअप यांना लाभ दिला जातो. केंद्र आणि राज्य संस्था किंवा स्थानिक संस्थांद्वारे प्रायोजित कृषी आणि सार्वजनिक खाजगी भागीदारी प्रकल्पांचे क्षेत्र समाविष्ट आहेत.

संपादक: मोईन सय्यद / प्रतिनिधी: अवधुत सावंत

जीएसटी कौन्सिलच्या बैठकीत अर्थमंत्री निर्मला सीतारामन यांनी ‘एसयूव्ही’ म्हणजे काय, याची एक मानक व्याख्या तयार केली आहे.

भारतात विकल्या जाणार्‍या कारच्या सर्वात लोकप्रिय प्रकारांपैकी ‘एसयूव्ही’ हा एक प्रकार आहे. आत्तापर्यंत, वेगवेगळ्या राज्यांमध्ये ‘एसयूव्ही’ कशामुळे बनते याच्या वेगवेगळ्या व्याख्या होत्या ज्यामुळे ऑटोमेकर्स आणि कार खरेदीदारांमध्ये ‘एसयूव्ही’ म्हणजे नेमकं काय आहे याबद्दल अनेकदा गोंधळ निर्माण होतो.

आता, स्वत:ला ‘एसयूव्ही’ म्हणवता येण्यासाठी कारची मानक आवश्यकता अशी आहे की, वाहनाची इंजिन क्षमता १५०० सीसी पेक्षा जास्त असावी, त्याची लांबी ४००० मिलिमीटर पेक्षा जास्त असावी आणि १७० ग्राउंड क्लिअरन्स असावा असे ठरविले गेले आहे.

संपादक: मोईन सय्यद / प्रतिनिधी: अवधुत सावंत

राज्यातील राजकारणात पुन्हा एकदा मोठा राजकीय भुकंप होणार असल्याचे दिसून आले आहे. भाजपचे प्रदेशाध्यक्ष चंद्रशेखर बावनकुळे यांनी तर आता जे वक्तव्य केलं आहे त्यामुळे ते चर्चेत आले आहे. गेल्या काही दिवसांपासून राज्यातील राजकारण एका वेगळ्या दिशेनं चालल्याचा अंदाज अनेकांनी वर्तवला होता. त्यावर आता बावनकुळेंनी दिलेली प्रतिक्रिया सोशल मीडियावर व्हायरल झाली आहे.

वाबनकुळेंच्या त्या वक्तव्याचे वेगवेगळे राजकीय अर्थ काढले जात आहे. सध्याचे मुख्यमंत्री एकनाथ शिंदे यांचे मुख्यमंत्रीपद धोक्यात आले असून आता त्यांची जागा देवेंद्र फडणवीस घेणार असल्याबाबत बावनकुळे यांनी वक्तव्य केले आहे. एवढचं बोलून ते थांबलेले नाहीत तर यापुढील काळात मुख्यमंत्री पदाच्या खुर्चीवर जर आपल्याला देवेंद्र फडणवीस यांना बसलेलं पाहायचं असेल तर आता आपण सर्वांनी त्यांच्या पाठीमागे उभे राहण्याची वेळ आली आहे. असंही बावनकुळे म्हणाले आहेत.

शिवसेनेचे खासदार संजय राऊत यांनी कालच सध्याचे सरकार हे फेब्रुवारीपर्यतच असल्याचे सुचक वक्तव्य केले होते. त्या वक्तव्यावरुन सोशल मीडियावर वेगवेगळ्या प्रकारच्या चर्चेला उधाण आले होते. त्यातच आता बावनकुळे यांनी फडणवीस यांच्याविषयी केलेलं वक्तव्य हे पुन्हा एकदा राजकीय वर्तुळात खळबळ उडवून देणारे ठरणार असल्याची चर्चा सुरु झाली आहे.

संत जगनाडे महाराज यांच्यावर आयोजित एका कार्यक्रमामध्ये बोलताना बावनकुळे म्हणाले, आता सर्व जातीच्या लोकांनी फडणवीसांच्या पाठीमागे उभे राहण्याची गरज आहे. येणाऱ्या आगामी निवडणूकांमध्ये पुन्हा कोण मुख्यमंत्री झाले पाहिजे असा प्रश्न बावनकुळेंनी उपस्थित नागरिकांना विचारला होता. त्यावेळी लोकांकडून फडणवीस असे उत्तर आल्यानंतर बावनकुळेंनी आता आपण त्यांच्यापाठीमागे उभी राहण्याची वेळ आली असल्याचे म्हटले आहे.