लोकहित न्युज

अहमदपूर :-
मासूम शेख

यशदा पुणे येथील अधिकारी डॉ. बबन जोगदंड यांना नुकतीच ‘लोकप्रशासन ‘या विषयात पी. एच. डी. पदवी मिळाल्याबद्दल व त्यांनी आतापर्यंत २५ हून अधिक पदव्या संपादन केल्याबद्दल अहमदपूर येथील अंनिस कार्यकर्ते यांच्यावतीने त्यांचा आज सत्कार करण्यात आला. डॉ बबन जोगदंड बोलताना
जीवनामध्ये मोठं व्हायचं असेल तर मोठी स्वप्न पाहावीत, त्याचबरोबर संवाद कौशल्य, इंग्रजी भाषा, तंत्रज्ञान, आत्मविश्वास आणि कष्ट ही पंचसूत्री जीवनामध्ये अंगीकारावी, असे आवाहान यशदा पुणे येथील अधिकारी डॉ. बबन जोगदंड यांनी केले. या प्रसंगी प्रमुख पाहुणे म्हणून पोस्ट मास्तर भालचंद्र आलापुरे. नांदेड जिल्हा परिषदेचे सर्व शिक्षा अभियानाचे सहायक कार्यक्रम अधिकारी डॉ. विलास ढवळे, नांदेड जिल्हा परिषदचे जनसंपर्क अधिकारी मिलिंद व्यवहारे हे होते तर या वेळी मेघराज गायकवाड. जोगोलकिशोर शार्म. पुजा गायकवाड. संतोष जावळे. आत्माराम गुटे.डि जे वाघमारे.धीरज कांबळे. दयानंद जाधव.शिवहार कसनुरे .यांची उपस्थिती होती.

अहमदपूर:-
मासूम शेख

महात्मा ज्योतिराव फुले यांच्या पुण्यतिथी निमित्त महात्मा फुले विद्यालय अहमदपूर या ठिकाणी दरवर्षीप्रमाणे याही वर्षी वादविवाद स्पर्धेचे आयोजन करण्यात आले होते सदरील स्पर्धेमध्ये किलबिल शाळेतील इयत्ता आठवीतील कुमारी शर्वरी बालासाहेब बयास व प्रेरणा माधव लोंढे या विद्यार्थ्यांच्या गटाने ऑनलाइन शिक्षण पद्धती ही शिक्षणास तारक की मारक या विषयावर वाद-विवाद स्पर्धेमध्ये सहभाग नोंदवून तृतीय क्रमांक मिळवला. तसेच तुषार बळीराम मुसळे व रुद्राक्ष शिवशंकर होनराव यांनी सहभाग घेतला. त्याबद्दल शाळेच्या वतीने संस्थेचे सचिव ज्ञानोबा भोसले प्राचार्य संतोष पाटील उपप्राचार्य धर्मसिंग यांच्या वतीने सदरील विद्यार्थ्यांचा यथोचित सत्कार करून अभिनंदन करण्यात आले

अहमदपूर:-
मासूम शेख

अहमदपूर तालुक्यातील सर्व अतिवृष्टी /पूर बाधीत शेतकर्‍यांनी लवकर विनाविलंब करता आवश्यक ते कागदपत्रे जमा करावेत तसेच ईकेवायसी करुन घ्यावी असे आवाहन तहसीलदार उज्वला पांगरकर यांनी केले आहे.
याबाबत अधिक माहिती अशी की, माहे सप्टेंबर 2024 या कालावधीत अतिवृष्टी / पूर यामुळे बाधित झालेल्या शेती पिकांच्या नुकसानापोटी शेतकर्‍यांना अनुदान मदत सन 2024 मध्ये एकुण बाधिक शेतकरी संख्या 57404 पैकी 45420 बाधीत शेतकर्‍यांच्या याद्या डीबीटी पोर्टलव्दारे अपलोड करण्यात आल्या आहेत. तसेच बाधीत शेतकर्‍यांना व्हीके नंबर प्राप्‍त झाल्यानंतर ईकेवायसी केल्यानंतर तपासणी करुन शासन स्तरावरुन अशा शेतकर्‍यांना मदत देण्याची प्रक्रिया चालू आहे. 45420 अपलोड पैकी 36015 या शेतकर्‍यांनी ईकेवायसी केली असुन 9405 शेतकरी यांची ईकेवायसी करणे प्रलंबित आहे. सदरील शेतकर्‍यांनी विनाविलंब बाधीत शेतकरी यांनी तात्काळ ईकेवायसी आपल्या जवळच्या महा ई सेवा केंद्रावरुन करुन घ्यावी. तसेच शिल्‍लक असलेल्या बाधीत शेतकर्‍यांनी आपले आधार क्रमांक, बँकेचे नाव, बँक खाते क्रमांक, आयएफ सी कोड, मोबाईल नंबर, इ. संबंधीत तलाठी यांच्याकडे तात्काळ जमा करावे. तसेच बाधीत शेतकर्‍यांनी डीबीटी पोर्टलव्दारे याद्या अपलोड झाल्यानंतर, बाधीत शेतकर्‍यांना व्हीके नंबर प्राप्‍त होईल. त्यानंतर ईकेवायसी केल्याची खात्री करुन शासन स्तरावरुन आपणास मदत देण्यात येत असते याची नोंद घ्यावी.
सदरील प्रक्रिया शासनाने सुचित केल्यानुसार डीबीटी पोर्टलव्दारे लाभार्थ्यांना थेट त्यांच्या बँक खात्यामध्ये निधी वर्ग करण्यासाठी या कार्यालयाकडून बाधीत शेतकर्‍यांच्या याद्या अपलोड करण्यात आलेल्या आहेत. पुढील प्रक्रिया शासन स्तरावरुन संबंधित लाभार्थी यांचे खातेवर जमा करण्याची प्रक्रिया चालु आहे. तरी राहिलेले उर्वरीत 11984 बाधीत शेतकर्‍यांनी आपले आधार क्रमांक, बँक खाते क्रमांक, आयएफसी कोड, मोबाईल नंबर इत्यादी संबंधीत तलाठी यांच्याकडे तात्काळ जमा करावे.

अहमदपूर:-
मासूम शेख

236 विधानसभा अहमदपूर – चाकुर मतदार संघ निवडणुक कार्य उत्‍तमरित्या पार पाडल्याबद्दल येथील महाराष्ट्र राज्य पत्रकार संघाच्या वतिने निवडणुक निर्णय अधिकारी तथा उपविभागीय अधिकारी सौ. मंजुषा लटपटे, उपविभागीय पोलिस अधिकारी मनिष कल्याणकर, सहाय्यक निवडणुक निर्णय अधिकारी तथा तहसीलदार उज्वला पांगरकर, मुख्याधिकारी संतोष लोमटे यांचा सत्कार करण्यात आला.
याबाबत अधिक माहिती अशी की, 236 विधानसल अहमदपूर – चाकुर मतदार संघ निवडणुक प्रक्रिया सुरु झाल्यापासून दोन्ही ट्रेनिंगचे कार्य, पोस्टल मतदान, दिव्यांग मतदान इत्यादी निवडणुकीचे कार्य उत्‍तमरित्या पार पाडल्याबद्दल येथील महाराष्ट्र राज्य पत्रकार संघाच्या वतिने निवडणुक निर्णय अधिकारी तथा उपविभागीय अधिकारी सौ. मंजुषा लटपटे, उपविभागीय पोलिस अधिकारी मनिष कल्याणकर, सहाय्यक निवडणुक निर्णय अधिकारी तथा तहसीलदार उज्वला पांगरकर, मुख्याधिकारी संतोष लोमटे यांचा सत्कार करण्यात आला.
यावेळी महाराष्ट्र राज्य पत्रकार संघाचे अध्यक्ष अहमदपूर तालुका अध्यक्ष प्रा. विश्‍वंभर स्वामी, सचिव शिवाजी गायकवाड, कोर्याध्यक्ष उदयकुमार गुंडीले, संघटक डॉ. बालाजी गोविंदराव कारामुंगीकर, जेष्ठ पत्रकार दिनकर मद्येवाड, सहसचिव बालाजी तोरणे पाटील, उपाध्यक्ष प्रा. मारोती बुद्रूक पाटील, बालाजी पारेकर, महादेव महाजन, धम्मानंद कांबळे, संदिप गुंडरे, मासुम शेख आदींची उपस्थिती होती.
यावेळी सत्काराला उत्‍तर देताना निवडणुक निर्णय अधिकारी मंजुषा लटपटे म्हणाल्या की, निवडणुक कार्य उत्‍तम व पारदर्शी होण्यासाठी माझ्या सर्व टिमने उत्‍तम कामगिरी केली आहे या सर्वांचे मोलाचे योगदान आहे. पोलिस प्रशासनानेही आम्हास चांगले सहकार्य केले. सदरील सत्कार आम्हास नविन पुढिल कार्य करण्यासाठी प्रेरणा मिळते असेही ते शेवटी म्हणाले.
यावेळी कार्यक्रमाचे प्रास्ताविक सचिव शिवाजी गायकवाड यांनी केले. तर यावेळी उपविभागीय पोलिस अधिकारी मनिष कल्याणकर, तहसीलदार उज्वला पांगरकर, मुख्याधिकारी संतोष लोमटे, प्रा. विश्‍वंभर स्वामी आदींनी मनोगत व्यक्‍त केले.
कार्यक्रमाचे सुत्रचंलन डॉ. बालाजी कारामुंगीकर यांनी तर उपस्थितांचे आभार प्रा.मारोती बुद्रुक पाटील यांनी मानले.